کۆشکی سپی لە بەیاننامەیەکدا ئاماژەی بەوەدا ڕاوێژکاری ئاسایشی نیشتیمانی ئەمەریکا جەیک سۆلیڤان لەڕێی پەیوەندییەکی تەلەفونیەوە لەگەڵ هاوتا ئیسڕائیلییەکەیدا " نیگەرانی " ئەمەریکای دەربڕیوە لەسەر پێکدادانەکانی ئەمدواییانەی ئۆرشەلیم.
کۆشکی سپی لەکاتی خوێندنەوەی دەقی گفتوگۆکەی نێوان ڕاوێژکاری ئاسایشی ئەمەریکا جەیک سۆلیڤان و ڕاوێژکاری ئاسایشی ئیسڕائیل موئیر بن شباتدا وتی " بەڕێز سۆلیڤان دووبارە جەختی لە نیگەرانیی ئەمەریکا کردۆتەوە سەبارەت بە ئەگەری دەرکردنی خێزانە فەڵەستینیەکان لە گەڕەکی شێخ جەڕاحدا."
هەروەها ئاماژەشی بەوەدا " هەردوولا ڕێکەوتوون لەسەر ئەوەی هێرشە موشەکیەکان و ئەو باڵۆنە گڕدارانەی لە غەزەوە بەرەو ئیسڕائیل هەڵدەدرێن جێی قبوڵکردن نین و دەبێت سەرکۆنە بکرێن."
سەرچاوە/ ڕۆیتەرز