Accessibility links

وه‌زیری به‌رگری ئه‌مریکا: پشتیوانی له‌ ئۆپه‌راسیۆنی تورکیا ناکه‌ین له‌ باشوری جه‌رابلوس


ئاشتن کارته‌ر، وه‌زیری به‌رگری وڵاته‌ یه‌کگرتووه‌کانی ئه‌مریکا
ئاشتن کارته‌ر، وه‌زیری به‌رگری وڵاته‌ یه‌کگرتووه‌کانی ئه‌مریکا

ئاشتن کارته‌ر، وه‌زیری به‌رگری وڵاته‌ یه‌کگرتووه‌کانی ئه‌مریکا داوا له‌ تورکیا ده‌کات ته‌نها سه‌نگی بخاته‌ سه‌ر شه‌ڕی دژی ده‌وڵه‌تی ئیسلامی و شه‌ڕ له‌گه‌ڵ ئه‌و هێزه‌ کوردیانه‌ نەکات کە هاوپه‌یمانی ئه‌مریکان و شه‌ڕی دژی تێرۆریزم ده‌که‌ن له‌ سوریادا.

له‌شکری تورکیا و هاوپه‌یمانه‌کانی له‌ سه‌رهه‌ڵداوانی سوریا له‌ شه‌شه‌م ڕۆژی هه‌ڵمه‌ته‌که‌یاندان بۆ دوورخستنه‌وه‌ی میلیتانه‌کانی ده‌وڵه‌تی ئیسلامی و هه‌روه‌هاش ئه‌ندامانی یه‌کینه‌کانی پاراستنی گه‌ل (یه‌په‌گه‌) له‌ شارۆچکه‌ی جه‌رابلوس و ناوچه‌کانی ده‌وروبه‌ری که‌ هاوسنوری تورکیان.

جه‌رابلوس
جه‌رابلوس

یه‌په‌گه‌ به‌شێکه‌ له‌ هێزی سوریای دیموکرات و وڵاته‌ یه‌کگرتووه‌کانی ئه‌مریکا پشتیوانی ده‌کات.

وه‌زیری به‌رگری ئه‌مریکا ده‌ڵێت "وڵاته‌ یه‌کگرتووه‌کانی ئه‌مریکا زۆر زۆر پشتیوان بووه‌ و زۆریش پشتیوانه‌ بۆ جموجۆڵه‌کانی هێزی گشتی به‌ره‌نگاربوونه‌وه‌ی تێرۆر له‌ تورکیا و هه‌روه‌هاش پشتیوانه‌ ‌ بۆ هه‌موو شتێکی له‌ پێناو پاراستنی ناوچه‌ی نێوان سنوری خۆی و جه‌رابلوسدا ده‌یکات، به‌ڵام بۆ باشوری جه‌رابلوس نا."

له‌م ماوه‌یه‌ی ڕابردوودا هێزه‌ کوردیه‌کان یارمه‌تیده‌ربوون بۆ ده‌رکردنی تێرۆریستانی ده‌وڵه‌تی ئیسلامی له‌ شاری مەنبج که‌ ده‌که‌وێته‌ 40 کیلۆمه‌تر خواروی جه‌رابلوس و 30 کیلۆمه‌تریش له‌ ڕۆژئاوای ڕووباری فورات.

XS
SM
MD
LG