سەرۆکی ئەمەریکا جەختی کردووەتەوە سەر بڕیارەکەی بۆ کشانەوەی هێزەکانی ئەمەریکا لە سوریا، ئەمەش پاش ڕۆژێک لە ئاشکراکردنی بڕیارەکەی. دەشڵێت ڕووسیا و ئێران و سوریا بەمە خۆشحاڵ نین.
سەرۆک ترامپ ئەمڕۆ پـێنجشەممە لەسەر تویتەرەکەی نووسیویەتی ناکرێت ئەمەریکا ببێتە پـۆلیس لە ڕۆژهەڵاتی ناوەڕاست و هیچیش بەدەستنەهێنێت و تەنیا ڕۆڵەکانی گیانیان لەدەست بدەن و بە ملیاران دۆلار خەرج بکات لە پـێناو پاراستنی خەڵکی دیکە کە لە زۆر حاڵەتدا پـێزانینیان بۆی نیـیە.
پاشان دەڵێت سەرەڕای هەواڵە نادوروستەکان، ڕووسیا و ئێران و سوریا و زۆر لایەنی دیکە خۆشحاڵ نین بە ڕۆیشتنی ئەمەریکا لە سوریا، چونکە ئێستا ناچاردەبن شەڕی داعش و ئەوانی دیکە بکەن.
جێی ئاماژەیە ڕۆژی چوارشەممە سەرۆک ترامپ گوتی" شکستمان بە داعش لە سوریا هێنا، ئەمەش تاکە هۆکاری بوونمان بووە لەوێ لە ماوەی سەرۆکایەتیـیەکەم."