Accessibility links

سەرۆک ترامپ لە ڕێگەی ڤیدیۆوە وتارێک بۆ مەراسیمی کردنەوەی باڵیۆزخانەی ئەمەریکا لە ئۆرشەلیم پـێشکەش دەکات


کاربەدەستێکی ئەمەریکا دەڵێت لە مەراسیمی کردنەوەی باڵیۆزخانەی ئەمەریکا لە ئۆرشەلیمی پایتەختی ئیسرائیل کە بڕیارە ڕۆژی دووشەممە بەڕێوەبچێت، سەرۆک ترامپ لە ڕێگەی ڤیدیۆوە وتارێک بەو بۆنەیە پـێشکەش دەکات.

کاربەدەستەکە ئەمڕۆ هەینی لە تەل ئەڤیڤەوە ئەمەی بۆ ئاژانسی دەنگ‌وباسی فڕانس پـرێس ئاشکراکرد و گوتی بە ئەوپەڕی خۆشخاڵیـیەوە چاوەڕێی ئەو ساتە مێژوویـیەن.

گوتیشی پـێشبینی دەکات 800 کەس ئامادەی مەراسیمەکە ببن، لە نێویاندا شاندێکی گەورەی کۆنگرێسی ئەمەریکا.

هەروەها جۆن سولیفان یاریدەدەری وەزیری دەرەوەی ئەمەریکا و ئیڤانکای کچی سەرۆک ترامپ و جارید کوشنەری زاوای کە ڕاوێژکاری کۆشکی سپـیـیە ئەوانیش ئامادەی بۆنەکە دەبن.

لە ئێستادا بۆ ماوەیەکی کاتی بینای کونسوڵخانەی ئەمەریکا لە ئۆرشەلیم دەکرێتە باڵیۆزخانەکە هەتا ئەو کاتەی بینای نوێی باڵیۆزخانەکە تەواودەبێت.

XS
SM
MD
LG