Accessibility links

ئەمەریکا سزا دەسەپێنێت بەسەر دەزگا ئاسمانییەکانی ئێراندا


ئەمەریکا سزای سەپاند بەسەر دەزگا ئاسمانییەکانی ئێران و سەنتەرێک و ناوەندێکی توێژینەوەی ئێرانیدا، وتیشی ئەو دەزگایانە بەکاردەهێنرێن بۆ پەرەپێدانی بەرنامە موشەکییە باڵیستیکییەکەی ئێران.

وەزارەتی خەزێنەی ئەمەریکا لە بەیاننامەیەکدا ڕایگەیاند سزای سەپاندووە بەسەر دەزگا ئاسمانییەکانی ئێران و سەنتەرێکی توێژینەوەی ئاسمانی ئێرانی و ناوەندێکی توێژینەوەی هاتوچۆی ئاسمانیدا.

وەزیری دەرەوەی ئەمەریکا مایک پەمپیێۆ لە بەیاننامەیەکدا وتی " ئەمەریکا ڕێگە بە ئێران نادات ئاسمانەکەی بەکاربهێنێت بۆ بەکارخستنی بەرنامەی کستار بۆ نوێکردنەوەی بەرنامە موشەکییە باڵیستیکییەکەی."

وتیشی تاقیکردنەوەکەی ئێران کە تیایدا مانگێکی دەستکردی هەڵدا لە 29 ی مانگی هەشتدا " جەختی لەوە کردەوە کە هەڕەشەکە ئێستا زۆر نزیکە."

لەلای خۆیەوە تاران ڕەتی دەکاتەوە چالاکییەکانی ستار بەکاربهێنرێن بۆ پەرەپێدانی موشەکە باڵیستیکییەکان.

پەمپیێۆ وتی " ئەم جۆرە ڕێوشوێنانە دەبێت وەکو ئاگادارکردنەوەیەک بن بۆ کۆمەڵگەی جیهانی نێودەوڵەتی کە هاریکاری لەگەڵ بەرنامەی ئاسمانی ئێراندا لەوانەیە پشتیوانیکردن بێت لە توانای تاران بۆ پەرەپێدانی سیستمی وەرگرتنی چەکی ناوەکیی."

سەرچاوە/ ڕۆیتەرز

XS
SM
MD
LG