Accessibility links

ئەمەریکا و فەڕەنسا باس لە چۆنێتی پشتیوانیکردن لە سوید و فینلەندا دەکەن


وەزیری دەرەوەی ئەمەریکا ئەنتۆنی بلینکن

وەزارەتی دەرەوەی ئەمەریکا لە بەیاننامەیەکدا وتی وەزیری دەرەوەی ئەمەریکا ئەنتۆنی بلینکن و وەزیری نوێی دەرەوەی فەڕەنسا کاثرین کۆلۆنا لە پەیوەندییەکی تەلەفونیدا باسیان لەوە کردووە چۆن پشتیوانی لە هەوڵەکانی سوید و فینلەندا بکەن بۆ بوون بە ئەندام لە هاوپەیمانێتی ناتۆدا.

وتەبێژی وەزارەتی دەرەوەی ئەمەریکا نێد پڕایس وتی بلینکن و کۆلۆنا ڕێکەوتوون لەسەر گرنگیی بەردەوامیدان بە پشتیوانییەکان لە ئۆکرانیا و هێشتنەوەی " فشارە گەورەکانی " سەر سەرۆکی ڕووسیا ڤلادیمیر پوتن کە بەهۆی داگیرکارییەکەیەوە لە ئۆکرانیا بەسەریدا سەپێندراون.

ڕووسیا داگیرکارییەکەی لە ئۆکرانیا بە " ئۆپەراسیۆنێکی سەربازیی تایبەت " ناودەبات و دەڵێت ئامانج لێی لەناوبردنی توانا سەربازییەکانی ئۆکرانیا و نەتەوە پەرستە مەترسیدارەکانی ئەو وڵاتەیە.

سەرچاوە/ ڕۆیتەرز

XS
SM
MD
LG