Accessibility links

کونسوڵی گشتی ئەمەریکا لە هۆنگ کۆنگ ڕەخنە لە یاسای نیشتمانی چین دەگرێت


دپلۆماتکاری باڵای ئەمەریکایی لە هۆنگ کۆنگ رۆژی دووشەممە گوتی؛ کارەساتە یاسای نوێی نیشتمانی لەو هەرێمەی چینیدا پیادەبکرێت بۆ دابڕاندنی ئازادیـیە بنەرەتیەکان لە مەڵبەندی دارایی ئاسیا و هەروەها کەشێکی مل‌کەچپێکردن و سانسۆرکردن بخولقێنت.

هانسکۆم سمیث کونسوڵی گشتی وڵاتە یەکگرتووەکانی ئەمەریکا لە هۆنگ کۆنگ و مەکاو ئەمەی بە بە پەیامنێران گوت و ئاماژەی بەوەشکرد کە هۆنگ کۆنگ سەرکەوتووبووە ئەوەش بەتەواوی بەهۆی کراوەیی و گوتیشی ئێمە هەموو کارێک دەکەین بۆ ئەوەی هۆنگ کۆنگ بەو شێوەیەی بمێنێتەوە.

یاسا نوێیەکە هەفتەی رابردوو سەپێندرا دوابەدوای ناڕەزاییەکانی ساڵی رابردوو دژ بە حکومەت لە هۆنگ کۆنگ و یاساکە جیابوونەوە و کاری تێکدەرانە و چالاکی تێرۆستی بە نایاسایی دادەنێت ، هەروەها دەستوەردانی دەرەکی لە نێو کاروباری ناوخۆی شارەکەش. لە یاساکەدا هاتووە هەرکەسێک بەشداری لەو چالاکیانەدا بکات وەک چڕینی دروشم و بەرزکردنەوەی نووسراو و ئاڵا و داوای سەربەخۆی بۆ هۆنگ کۆنگ بکەن ، ئەوانە پێشێلی یاسکە دەکەن تەنانەت ئەگەر توندوتیژیشی تێدا بەکارنەهێنرێت.

رەخنەگران وادەڕواننە یاساکە وەک هەنگاوێکی دیکەی بەیژین بۆ سڕینەوەی بەربەستی یاسایی لە نێوان ئەم کۆلۆنیایەی پێشوی بەریتانیا و نێوان سیستمی پارتی کۆمیونستی ستەمکاری چین.

لەو کاتەوەی یاساکە کەوتە بواری جێبەجێکردنەوە ، حکومەت گوتنی دروشمی باوی ناڕەزایی " هۆنگ کۆنگ رزگاربکە و شۆڕشی ئەم سەردەمەمان" واتا ئەو دروشامنەی واتای جیابوونەوە دەگەیەنن ، بە گوێرەی ئەم یاسایە بە تاوان دەکرێت.

لە کتێبخانە گشتیەکانی هۆنگ کۆنگ دا ، کتیبەکانی کەسایەتیە دیموکراتخوازەکان لەسەر رەفەکانی هەڵگیراون، لەوانە ئەو کتێبانەی لەلایەن چالاکوانی دیموکراتخوازی ناودار " جۆشوا وەنگ و تانیا چان " ی سیاسەتمەدارەوە نووسرابوون.

سەرچاوە : AP

XS
SM
MD
LG