وتەبێژی کۆشکی سپی جێن ساکی وتی سەرۆکی ئەمەریکا جۆو بایدن لەگەڵ شای ئوردن عەبدوڵای دووەمدا قسەی کردووە و واپێشبینی دەکرێت بەمزووانە دەقی پەیوەندییە تەلەفونیەکە بڵاوبکرێتەوە.
ڕۆژی چوارشەممە شای ئوردن وتی ئەو فیتنەیەی ڕووی لە وڵاتەکە کرد ئێستا نەما و وڵاتەکە پارێزراوە و ئارامە، ئەوەش دوای ناکۆکییەکانی لەگەڵ زڕبراکەی و شازادەی جێنشینی پێشوو شازادە حەمزەدا.
پەیوەندییە تەلەفونییەکەی نێوان بایدن و شای ئوردن لەکاتێکدایە ئوردن بڵاوکردنەوەی ئەو نوسراوەی قەدەغەکرد کە ڕۆژی سێشەممە دەرچوو و تیایدا باس لە دۆسیەی شازادە حەمزە و چۆنێتی بەڕێوەچوونی لێکۆڵینەوەکان و نهێنیەکانیی و بەڵگە و لایەنەکان دەکات.
سەرچاوە/ ڕۆیتەرز