ڕێکخراوی کاروباری مافەکانی مرۆڤی نەتەوە یەکگرتووەکان وتی لە سەرەتای دەستپێکردنی ململانێکانەوە لە ئۆکرانیا لانی کەم 902 هاوڵاتی مەدەنی کوژراون و 1459 هاوڵاتی دیکە برینداربوون.
وتیشی زۆرینەی قوربانییەکان بەهۆی بۆردومانەکان و تۆپهاوێژەکان و موشەک و هێرشە ئاسمانییەکانەوە بوون.
باوەڕوایە ژمارەی قوربانیانی مەدەنی لە ئۆکرانیا زۆر زیاتر بێت، لەبەر ئەوەی ڕێکخراوی کاروباری مافەکانی مرۆڤی نەتەوە یەکگرتووەکان کە تیمێکی چاودێری گەورەی هەیە لە ئۆکرانیا، هێشتا نەیتوانیوە ڕاپۆرتی قوربانییەکان لە شارەکانی وەکو ماریوپۆڵ و ئەوانی دیکە پشتڕاست بکاتەوە یاخود ژمارەکان وەربگرێت.
سەرچاوە/ ڕۆیتەرز
نەتەوە یەکگرتووەکان: لەسەرەتای دەستپێکردنی جەنگی ئۆکرانیاوە لانی کەم 902 هاوڵاتی مەدەنی کوژراون
