Accessibility links

تیمێکی نەتەوە یەکگرتووەکان لە عێراق لێکۆڵینەوە لە تاوانەکانی داعش دەکات


تیمێکی لێکۆڵینەوە سەر بە نەتەوە یەکگرتووەکان دەستیکردووە بە کارەکانی خۆی لە عێراق.

کاری ئەم تیمە لێکۆڵینەوە کردنە لەو تاوان و دڕندایەتیانەی تێرۆریستانی داعش بەرامبەر ئێزیدییەکان و لایەنەکانی تریش کردویانە.

سکرتێری گشتی نەتەوە یەکگرتووەکان لە نامەیەکدا بۆ ئەنجومەنی ئاسایش نوسیویە، ئەم تیمی لێکۆڵینەوەیە پارێزەری مافەکانی مرۆڤ، کەریم ئەسعەد ئەحمەد خان سەرۆکایەتی دەکات و لە ڕۆژی 20 ی ئەم مانگی هەشتەوە دەستی بە کارەکانی خۆی کردووە.

ئەنجومەنی ئاسایشی سەر بە نەتەوە یەکگرتووەکان لە ساڵێ پاردا بە تێکڕای دەنگ بڕیاری دا بۆ لێکۆڵینەوەکردن و ئەوجاش دادگاییکردنی تاوانبارنی داعش، واتە ئەو دۆسێیەی ئەمەل کڵونی، پارێزەری مافەکانی مرۆڤ داکۆکی لێدەکرد.

لێکۆڵەرەوانی نەتەوە یەکگرتووەکان بەڵگەی تاوانەکانی شەڕ و تاوانەکانی دژی مرۆڤایەتری و بەڵگەکان لەسەر کۆمەڵکوژی کۆدەکەنەوە تا لە دادگاکانی عێراقدا بەکاربهێنرێن لە دادگاییکردنی تێرۆریستانی داعش.

XS
SM
MD
LG