وەزیری دەرەوەی ئۆکرانیا دمیترۆ کولیبا دەڵێت ئێستا کاتی ئەوەیە ڕۆژئاوا لانی کەم بەشێکی ئەو سزایانەی ئامادەی کردووە، بیسەپێنێت بەسەر ڕووسیادا.
کولیبا وتی " دەبێت هەر ئێستا ڕووسیا بوەستێندرێت. دەبینین چی ڕوودەدات."
لێدوانەکەی کولیبا دوای ئەوە هات ڕووسیا و بێلاڕووس فراوانکردنی مەشقە سەربازییەکانیان لەنزیک سنوورەکانی ئۆکرانیا ڕاگەیاند، وڵاتانی ڕۆژئاواش هۆشدارییاندا لەسەر نزیکبوونەوەی داگیرکاری ڕووسیا لەکاتێکدا شەڕ و پێکدادانەکان لە ڕۆژهەڵاتی ئۆکرانیا زیاتر بوون.
کولیبا وتی " ئێستا کاتی جوڵەیە. من بە فەڕمی دەیڵێم ئێستا سەرجەم هۆکارەکانمان لەبەردەستدایە بۆ سەپاندنی لانی کەم بەشێک لەو سزایانەی کە ئامادەکراون بسەپێندرێن بەسەر ڕووسیادا."
سەرچاوە/ ڕۆیتەرز