جێگری سەرۆک وەزیری ئۆکرانیا ئایرینا ڤێرێشچوک وتی ڕۆژی شەممە ئۆکرانیا دیلەکانیان لەگەڵ ڕووسیادا ئاڵوگۆڕ کردووە، ئەمەش سێیەمین جارە لە سەرەتای داگیرکارییەکەی ڕووسیاوە لە ئۆکرانیا دیلەکان ئاڵوگۆڕییان پێبکرێت.
ڤێرێشچوک وتی 12 سەربازی ئۆکرانیا دەگەڕێنەوە وڵاتەکە.
وتیشی وەکو بەشێک لە ڕێکەوتنەکە، 14 هاوڵاتی دانیشتووی ئۆکرانی دەگەڕێنەوە بۆ وڵاتەکە. بەڵام ئاماژەی بەوە نەدا چەند سەربازیی ڕووسییان ئازاد کردووە.
سەرچاوە/ ڕۆیتەرز