Accessibility links

لیرەی تورکی بە شێوەیەکی بەرچاو لە بەرامبەر دۆلار دەشکێت


پاش ئەوەی ویلایەتە یەکگرتووەکانی ئەمەریکا سزای بەسەر دوو وەزیری تورکیا سەپاند، بەهای لیرەی تورکی لە بازاڕەکانی دراو بە شێوەیەکی بەرچاو شکاوە.

ئەمڕۆ پـێنجشەممە و لە کاژمێر 4 ی پاش نیوەڕۆ بە کاتی ئەنکەرە 100 دۆلاری ئەمەریکایی بە 505.722 لیرەی تورکی بوو.

لە لایەکی دیکە فوئاد ئۆکتای جێگری سەرۆکی تورکیا لەسەر تویتەرەکەی نووسیویەتی " ئێمە وڵاتێکی گەورەین بە ئاڵاکەمان و نیشتمانمان و گەلەکەمان، بۆیە بۆ ساتێکیش دوودڵ نابن لەوەی ڕێوشوێنی پـێویست بگرنەبەر بە سەرۆکایەتی سەرۆکمان."

وەزارەتی خەزێنەی ئەمەریکا دوێنێ چوارشەممە سزای بەسەر هەردوو وەزیری ناوخۆ و دادی تورکیا سەپاند. دەڵێت ئەمانە گەورەی دوو وەزارەتن کە مافەکانی مرۆڤ پـێشێل دەکەن. ئەم بڕیارەی ئەمەریکا پاش ئەوە بوو کە ئەنکەرە ڕەتیکردەوە قەشە ئەندرۆ برەنسن ئازادبکەن کە نزیکەی 2 ساڵە دەسـتگیریان کردووە بە تۆمەتی سیخوڕی و پشتیوانیکردن لە فەتحوڵڵا گولەن و پارتی کرێکارانی کوردستان.

سەبارەت بەم دوا پـێشهاتانەی نێوان تورکیا و ئەمەریکا، دەخیلی شەممۆ لە بەشی کوردی دەنگی ئەمەریکا وتووێژی کردووە لەگەڵ تەحسین عەبدوڵڵا شارەزای پەیوەندیـیە نێودەوڵەتیـیەکان.

please wait

No media source currently available

0:00 0:06:41 0:00

XS
SM
MD
LG