Accessibility links

ئاژانسێکی هەواڵ: دەسەڵاتدارانی تورکیا بەنیازن 189 پارێزەر دەسـتگیربکەن


ئاژانسی دەنگ‌وباسی ئانادۆڵو فەرمی تورکیا دەڵێت دەسەڵاتدارانی وڵاتەکەی فەرمانی دەسـتگیرکردنیان بۆ 189 پارێزەر دەرکردووە لە چوارچێوەی لێکۆڵینەوە لەگەڵیاندا بە تۆمەتی لایەنگری فەتحوڵڵا گولەن، ئەوەی لە ئەمەریکا دەژی و ئەنکەرە بە نەخشەداڕێژەری هەوڵی کودەتاکەی ساڵی ڕابردوو تۆمەتباری دەکات.

ئانادۆڵو ئەمڕۆ چوارشەممە هەواڵەکەی بڵاوکردەوە، دەڵێت پـۆلیسی دژە تێرۆر وا کاردەکەن بۆ دەسـتگیرکردنی ئەو پارێزەرانە کە لە 8 پارێزگای وڵاتەکەدان، لەوانە ئستەنبوڵ.

پـۆلیس هەتا ئێستا 78 پارێزەری دەسـتگیرکردووە. پـێدەچێت ژمارەیەکیان لەسەر ئەوە دەسـتگیرکرابن ئاپی ByLock ی مۆبایلیان بەکارهێناوە کە بۆ پەیوەندیکردن بەکاردەهێنرێت و پەیامەکان شفرە دەکات و سەختە هاکبکرێت. دەسەڵاتدارانی تورکیا دەڵێن لایەنگرانی فەتحوڵڵا گولەن ئەم ئاپەیان بەکاردەهێنا.

لەوەتای لە مانگی حەوتی ساڵی ڕابردوەوە هەوڵی کودەتا لەشکریەکە درا، دەسەڵاتدارانی تورکیا نزکەی 50 هەزار کەسیان دەستگیرکردووە و هێشتا دادگایی نەکراون، هەروەها زیاتر لە 150 هەزار کەسی دیکە لە کارەکانیان دەرکراون یان ڕاگیراون.

XS
SM
MD
LG