سەرۆک وەزیری تورکیا دەڵێت 232 کەس لە میانەی کۆدەتا شکستخواردووەکە کوژراون و زیاتر لە 1500 کەسیش برینداربوون.
بن عەلی یەڵدرم ئەمڕۆ دووشەممە لە کۆنگرەیەکی ڕۆژنامەوانیدا گوتی 145 کەسی سیڤیل و 60 پـۆلیس و 3 سەربازی حکومەت گیانیان لەدەسـتداوە و 24 کەس لە کودەتاچیـیەکانیش کوژراون.
بەڵام پـێشتر کاربەدەستانی حکومەت و لەشکری گوتیان 104 کودەتاچی کوژراون.
هەروەها یەڵدرم گوتی 1491 کەسی لایەنگری حکومەت و 50 کەسی کودەتاچیـیەکان برینداربوون.
پاشان گوتی 7543 کەسیش دەسـتگیرکراون، لەوانە 6038 ئەفسەر و سەرباز و 755 دادوەر و داواکاری گشتی و 650 کەسی سیڤیل و 100 پـۆلیس.