ئاژانسی دەنگ‌وباسی فڕانس پـرێس دەڵێت سەرچاوەکان لە لەشکری تورکیاوە ئەمڕۆ دووشەممە گوتویانە لە قۆناغی یەکەمی ئەو ناوچەیەی دەیانەوێت لە باکوری سوریا دایبمەزرێنن لە 120 کیلۆمەتر پـێکدێت کە لە گرێ سپـی دەستپـێدەکات هەتا سەری کانی، وە پاشان لە قۆناغەکانی داهاتوو ناوچەکە فراونتردەکەن بۆ 440 کیلۆمەتر. بەپـێی ڕێکەوتنی نێوان ئەنکەرە و واشنتن قوڵایی ناوچەکە 32 کیلۆمەتر دەبێت.
گوتووشیانە ئاگربەستەکە لە کاتژمێر 10 شەوی پـێنجشەممە دەستیپـێکرد و شەوی سێشەممە لە کاتژمێر 10 شەو تەواو دەبێت وە ئەگەر هێزە کوردیـیەکان هەتا ئەو کاتە لەو ناوچەیە نەکشێنەوە ئەوا ئۆپەراسیۆنەکەیان دەستپـێدەکەنەوە.
هاوکاتی ئەم هەواڵە سەدان خێزان لە ناوچەی ترپە سپی ڕوو لە حەسەکە دەکەن لە ترسی شەڕ، وە فڕۆکەی بێ فڕۆکەوانی تورکی 4 شەرڤانی هێزەکانی سوریای دیموکراتی لە نزیک عەین عیسا کوشتووە.