Accessibility links

سەرۆکی تورکیا گرێبەستێـکی وڵاتەکەی لەگەڵ ڕووسیا بۆ کڕینی سیستەمی S-400 ئاشکرادەکات

  • VOA News

ڕاگەیاندنەکانی ناو تورکیا دەڵێن سەرۆکی وڵاتەکەیان گوتویەتی گرێبەستێـکیان لەگەڵ ڕووسیا مۆرکردووە بۆ کڕینی سیستەمی پـێشکەوتووی جۆری S-400 بۆ موشەکی بەرگری.

ڕەجەب تەیب ئەردۆغان ڕۆژی سێشەممە لەو کاتەی بە فڕۆکەکەی لە کازاخستانەوە بەرەو تورکیا دەگەڕایەوە ئەمەی بۆ ژمارەیەک ڕۆژنامەوانی تورک ڕاگەیاند و گوتویەتی ئەوەی ئەو ئاگاداربێت پارەی پـێشەکی کڕینی سیستمەکە دراوە.

لە مۆسکۆش، ڤلادیمیر کوژین ڕاوێژکاری ڤلادیمیر پـوتن بۆ هاوکاری تەکنینکی لەشکری مۆرکردنی گرێبەستەکەی پشـتڕاستکردەوە و گوتی لە ئێستادا کار بۆ جێبەجێکردنی دەکرێت.

جێی ئاماژەیە ئەمە گەورەترین گرێبەستی لەشکری تورکیایە کە لە دەرەوەی وڵاتانی ئەندامی ناتۆ ئەنجامی بدات ، بۆیە پـێشبینی دەکرێت ببێتە جێی نیگەرانی ئەو وڵاتانە.

پـێشتر وەزارەتی بەرگری ئەمەریکا تورکیای ئاگادارکردبووەوە لەوەی باشترە ئەو ئامێر و کەلوپەلە لەشکریـیانە بکڕێت کە ڕووی تەکنیکی لەگەڵ سیستەمەکانی ناتۆ دەگونجێن، بەڵام ئەردۆغان گوتی تورکیا دووەم گەورەترین لەشکری ناتۆیە لە پاش ئەمەریکا، بۆیە ئازادە لەوەی چی بە پـێویستی دەزانێت بۆخۆی دەیکڕێت.

XS
SM
MD
LG