Accessibility links

باڵیۆزی ڕووسیا بۆ تورکیا بەهۆی سەختی برینەکانی گیانی لەدەسـتدا

  • VOA News

باڵیۆزی ڕووسیا بۆ تورکیا گیانی لەدەسـتدا پاش ئەوەی لە لایەن کەسێـکەوە لە ئەنکەرەی پایتەخت تەقەی لێکرا و بە قورسی بریندارکرا.

ئەندرێ کارلۆڤ ئەمڕۆ دووشەممە لەو دەمەی وتارێـکی پـێشکەش دەکرد لە کردنەوەی پـێشەنگایەکی وێنە لە ئەنکەرە، کەسێـک لە پشـتەوەی بە دەمانچەوە لێی نزیک بووەوە و تەقەی لێکرد و چەند فیشەکێـکی بە خێرایی پـێوەدەنێت و باڵیۆز دەمودەست کەوت بە زەویدا و نوقمی خوێن بوو و هاوکات هێرشبەرەکە هاواری دەکرد الله اکبر و بە تورکی دەیگوت ئەمە لە تۆڵەی سوریا و خەڵکی حەلەبە. ئەوەی جێی سەرنج بوو هیچ کاردانەوەی بە پەلەی هێزەکانی ئاسایش لە شوێنەکەدا نەبوو.

بەپـێی دوایـین هەواڵ دەڵێن هێرشبەرەکە ئەفسەری پـۆلیس بووە و دەشڵێن هێزەکانی ئاسایش کوشتویانە.

ئامادەبووانی پـێشەنگاکە بە پەلە هەوڵی چۆڵکردنی شوێنەکەیان دەدا.

جێی ئاماژەیە پـێشەنگاکە لە بینای مۆزەخانەی هونەری نوێی ئەنکەرە ڕێکخرابوو بە هاوکاری شارەوانی جانقایا و باڵیۆزخانەی ڕووسیا.

XS
SM
MD
LG