Accessibility links

چاوش ئۆغلۆ: تورکیا ڕێز لە گرێبەستی کڕینی سیستمی ئێس 400 لە ڕوسیا دەگرێت


وەزیری دەرەوەی تورکیا مەولود چاوش ئۆغلۆ

وەزیری دەرەوەی تورکیا مەولود چاوش ئۆغلۆ وتی ئەنقەرە ڕێز لە گرێبەستی کڕینی سیستمی بەرگری موشەکی ئێس 400ی ڕوسی دەگرێت و پابەند بووە بە بەرپرسیارێتیەکانیەوە تاوەکو ببێتە بەشێک لە پڕۆگرامی فڕۆکەی جەنگی ئێف 35 ی ئەمەریکی.

چاوش ئۆغلۆ لە کۆنگرەیەکی ڕۆژنامەوانیدا لەگەڵ هاوتا ڕوسییەکەی سێرگەی لاڤرۆڤ لە ئەنتاڵیا وتی ئەنقەرە نایەوێت سیستمی ئێس 400 بە وڵاتێکی دیکە بفرۆشێت و ئەنقەرە و مۆسکۆ گفتوگۆ لەسەر بەرواری وەرگرتنی سیستمەکە دەکەن.

چوار ئەندامی ئەنجومەنی سیناتی ئەمەریکا ڕۆژی پێنجشەممە پڕۆژە بڕیارێکیان پێشکەش کرد کە کۆمارییەکان و دیموکراتەکان پشتیوانی لێدەکەن و تیایدا قەدەغەی دەکات ئەمەریکا فڕۆکەی ئیف 35 بداتە تورکیا هەتاوەکو ئەو کاتەی حکومەتی ئەمەریکا دڵنیایی دەداتەوە لەسەر ئەوەی ئەنقەرە سیستمی بەرگری موشەکی ڕوسی ئێس 400 وەرناگرێت.

سەرچاوە/ ڕۆیتەرز

XS
SM
MD
LG