Accessibility links

په‌که‌که‌ قسه‌کانی له‌شـکری تورکیا ڕه‌تده‌کاته‌وه‌


ته‌رمی قوربانیانی خه‌ڵـکی سیڤیل ئه‌وانه‌ی به‌هۆی هێرش‌ ئاسـمانی تورکیا له‌ هه‌رێمی کوردسـتانی عێراقدا کوژراون
ته‌رمی قوربانیانی خه‌ڵـکی سیڤیل ئه‌وانه‌ی به‌هۆی هێرش‌ ئاسـمانی تورکیا له‌ هه‌رێمی کوردسـتانی عێراقدا کوژراون

سوپای تورکیا له‌ ڕاگه‌یاندنێـکیدا سه‌باره‌ت به‌ هێرشی فڕۆکه‌ جه‌نگیـیه‌کانیان بۆ سه‌ر باره‌گاکانی په‌که‌که‌ له‌ کوردسـتانی عێراق ده‌ڵێت به‌ لایه‌نی که‌م 90 بۆ 100 چه‌کداریان کوشـتووه‌، به‌ڵام گوته‌بێژی پارتی کرێـکارانی کوردسـتان له‌ په‌یوه‌ندیـیه‌کی ته‌له‌فۆنیدا ڕایده‌گه‌یه‌نێت له‌و هێرشـانه‌ ته‌نها 3 چه‌کداریان له‌ ڕه‌خی بادیناندا کوژراون‌ و ئه‌و ژماره‌ی تورکیاش باسی ده‌کات ڕاست نیـیه‌.

ئه‌حمه‌د ده‌نیز گوته‌بێژی پارتی کرێکارانی کوردسـتان ده‌شڵێت ئه‌وه‌ شه‌ڕی ده‌روونیـیه‌ و ده‌یانه‌وێت به‌مه‌ وره‌ی سه‌ربازه‌کانیان به‌رز بکه‌نه‌وه‌.

سه‌باره‌ت به‌وه‌ی تورکیا ده‌ڵێت په‌ره‌ به‌ هێرشه‌کانی ده‌دات، ئه‌حمه‌د ده‌نیز ده‌ڵێت ئه‌گه‌ر بێت و تورکیا له‌ هێرشه‌کانی به‌رده‌وام بـبێت ئه‌وا ئێمه‌ش به‌ بڕیاری ڕاگرتنی شه‌ڕدا ده‌چینه‌وه‌ و شیانی هه‌یه‌ شه‌ڕ بـبێته‌وه‌.

ده‌توانن گوێبیسـتی ده‌قی ڕاپـۆرته‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی سه‌ره‌وه‌ی ده‌سته‌ چه‌پ، ماوه‌كه‌ی 2:30 خوله‌كه‌.

بابه‌تی په‌یوه‌ندیدار

XS
SM
MD
LG