ئۆتۆمبیلێـکی بۆمبڕێژکراو لە نزیک بارەگای پارتی ئاکەپەی دەسەڵاتداری تورکیا لە شاری وان تەقیوەتەوە و بەپـێی کاربەدەسـتانی حکومەتی تورکیا 48 کەس برینداربوون و برینی هەندێـکیان قورسە.
تەقینەوەکە بەیانی ئەمڕۆ دووشەممە لە یەکەم ڕۆژی جەژنی قوربان لە بەرم بارەگاکە ڕوویدا، لەو دەمەی خەڵکی بۆ پـیرۆزی ڕۆژەکە لە ماڵەکانیان کۆبووبوونەوە.
وێنە و ڤیدیۆکانی شوێنەکە نیشانی دەدەن زیانێـکی مادی زۆر بە بارەگاکە کەوتووە و هێزەکانی پـۆلیس بە ناوچەکەدا بڵاوبوونەتەوە.
کاربەدەسـتانی تورکیا دەڵێن پارتی کرێکارانی کوردسـتان هێرشەکەی ئەنجامداوە، بەڵام هەتا ئامادەکردنی ئەم هەواڵە پەکەکە بەرپـرسیارێتی خۆی لێ ڕانەگەیاندووە.