Accessibility links

پەرلەمانی تورکیا مافی ئەندامێتی لە 3 پەرلەمانتار سەندەوە


پەرلەمانی تورکیا مافی ئەندامێتی پەرلەمانی لە 3 پەرلەمانتار سەندەوە کە دووانیان لە پارتی دیموکراتی گەلانن (هەدەپە) و ئەوی دیکەیان لە پارتی کۆماریـیە (چەهەپە).

پەرلەمانی تورکیا ئەمڕۆ پـێنجشەممە بە زۆرینەی دەنگ مافی پەرلەمانتاری سەندەوە لە هەریەک لە لەیلا گۆڤەن پەرلەمانتارى جولەمێرگ و موسا فارسۆغلەری پەرلەمانتارى شارى ئامەد و ئەنیس بەربەرئۆغلو پەرلەمانتاری شاری ئستەنبوڵ.

هەردوو ئەندامەکەی هەدەپە تۆمەتبارکراون بە لایەنگری پەکەکە و ئەندامەکەی جەهەپە بە سیخوڕی تۆمەتبارکراوە لەسەر بڵاوکردنەوەی وێنەی بارێک چەک کە لەلایەن دەزگای هەواڵگری تورکیاوە بە قاچاغی بۆ ناو سوریا ڕەوانەکرابوو.

لەگەڵ ڕاگەیاندنی بڕیارەکە پەرلەمانتارانی هەدەپە و جەهەپە ناڕەزایی خۆیان دەربڕی و ئاکەپەیان بە دوژمنی دیموکراسی ناودێرکرد.

ئەنیس بەربەرئۆغلو گوتی دەبێت خۆی ڕادەستی دەسەڵاتی دادوەری بکات هەتا 18 مانگ لە زیندان بەسەربەرێت.

ئەمین ئاکباساۆغڵو پەرلەمانتاری ئاکەپە، داکۆکی لە بڕیارەکە کرد و گوتی بەپـێی دەستوری تورکیا دراوە. گوتیشی هەڵوێستەکانی هەدەپە و جەهەپە پشتیوانیکردنە لە تاوان و تاوانکاران، ئەمەش جێی قبوڵ نیـیە.

XS
SM
MD
LG