Accessibility links

ستۆڵتنبێرگ: تورکیا پشتیوانی لە داواکانی سوید و فینلەندا دەکات بۆ چوونە ناو هاوپەیمانێتی ناتۆ


سکرتێری گشتی هاوپەیمانێتی ناتۆ یانس ستۆڵتنبێرگ ڕایگەیاند تورکیا ڕێکەوتووە لەسەر پشتیوانیکردن لە داواکانی سوید و فینلەندا بۆ چوونە ناو هاوپەیمانێتی ناتۆ.

ستۆڵتنبێرگ لە پەراوێزی کۆبوونەوەکەی ناتۆدا لە مەدریدی پایتەختی ئیسپانیا بە ڕۆژنامەنووسانی وت " خۆشحاڵم ڕایدەگەیەنم ئێستا ڕێکەوتنێکمان هەیە کە ڕێگە خۆش دەکات لەبەردەم سوید و فینلەندادا بۆ چوونە ناو هاوپەیمانێتی ناتۆ."

وتیشی " تورکیا و فینلەندا و سوید یاداشتنامەیەکیان واژۆ کردووە کە تیایدا باس لە نیگەرانییەکانی تورکیا کراوە، لەوانەش بابەتەکانی هەناردەکردنی چەک بۆ تورکیا و شەڕی دژ بە تیرۆر."

هاوکات سەرۆکی فینلەندا ساولی نینیستۆ ڕۆژی سێشەممە وتی تورکیا ڕازیبووە پشتیوانی لە داواکانی فینلەندا و سوید بکات بۆ چوونە پاڵ هاوپەیمانێتی ناتۆ، ئەمەش لە یەکەمین ڕۆژی کۆبوونەوەکەی ڕابەرانی هاوپەیمانێتی ناتۆدا لە مەدریدی پایتەختی ئیسپانیا.

سەرچاوە/ ڕۆیتەرز

XS
SM
MD
LG