کاربەدەستانی تونس دەڵێن ژنێکی خۆکوژ خۆی لە جادەیەکی قەرەباڵغی تونسی پایتەخت تەقاندووەتەوە و لە ئاکامدا 9 کەس برینداربوون کە هەشتیان پـۆلیسن.
پـۆلیس دەڵێت ئەمڕۆ دووشەممە ژنێک کە هیچ ڕابردوویەکی توندڕەوی پـێشتر نەبووە، خۆی لە جادەی حەبیب بورقێبە تەقاندووەتەوە لە نزیک شانۆی ئەلبەلەدی و باڵیۆزخانەی فەڕەنسا.
فرۆشگاکانی سەر جادەکە داخران و پـۆلیس و ئۆتۆمبیلەکانی ئەمبوڵانس گەیشتنە شوێنی ڕووداوەکە. گەواهیدەرێک بە ئاژانسی دەنگوباسی ڕۆیتەرزی گوت لە بەردەمی شانۆکەدا بووە و گوێی لە تەقینەوەیەکی بەهێزبووە.
سەرچاوەیەک لە وەزارەتی ناوخۆ ناسنامەی کچەکەی ئاشکراکرد و گوتی ناوی مونا قەبلەیە، تەمەنی 30 ساڵە و خەڵکی ناوچەی زردە سیدی عەلوانی پارێزگای ئەلمەهدیـیەی باکوری تونسی پایتەختە.
لەوەتای ساڵی 2015 وە ئەمە یەکەم جارە هێرشێکی تێرۆرستی لەو جۆرە لە تونسی پایتەخت بکرێت.