سەرۆکی ئەمەریکا دانۆڵد ترامپ تویتەری تۆمەتبار کرد بە تۆمەتی دەستوەردان لە هەڵبژاردنەکانی سەرۆکایەتی ئەمەریکادا و لەناوبردنی ئازادی دەربڕین لەو وڵاتەدا، ئەمەش دوای ئەوەی تویتەر دوو تویتی سەرۆک ترامپی کردە خانەی " تویتە بێ بنەماکانەوە ".
سەرۆک ترامپ لە تویتێکدا وتی " تویتەر دەستوەردەداتە هەڵبژاردنەکانی سەرۆکایەتی 2020ی ئەمەریکاوە."
وتیشی " تویتەر بەتەواوەتی ئازادی دەربڕین لەناودەبات، منیش وەکو سەرۆک ڕێگە نادەم ئەوە بکەن."
ئەمەش دوای ئەوە هات تویتەر دوو تویتی سەرۆک ترامپی خستە خانەی " تویتە بێ بنەماکانەوە " و بە تێبینی بۆی نوسیوە " لێکۆڵینەوە لە ڕاستیەکان بکەن." ئەو دوو تویتەی سەرۆک ترامپ باس لەوە دەکات دەنگدان لەڕێی نامە ناردنەوە بێگومان " تەزویری " تێدا دەکرێت.
سەرچاوە/ فرانس پرێس