Accessibility links

زیانه‌ گیانیـیه‌کانی ئاکامی لافاوه‌کانی تایلاند گه‌یشته‌ 500 که‌س


زیانه‌ گیانیـیه‌کانی ئاکامی لافاوه‌کانی تایلاند گه‌یشته‌ 500 که‌س
زیانه‌ گیانیـیه‌کانی ئاکامی لافاوه‌کانی تایلاند گه‌یشته‌ 500 که‌س

کاربه‌ده‌ستانی تایلاند ده‌ڵێن به‌هۆی لافاوی ئه‌م چه‌ند هه‌فته‌یه‌ی ڕابردووه‌وه‌ که‌ به‌ به‌دترین لافاو دانراوه‌ له‌ ماوه‌ی په‌نجا ساڵدا ، زیاتر له‌ 500 که‌س مردوون.

ده‌سه‌ڵاتداران ده‌ڵێن ئاوی لافاوه‌که‌ مه‌ترسی خستۆته‌ سه‌ر گه‌وره‌ترین بازاڕی ناو شاری بانکۆک.

ئاژانسی ده‌نگ و باسی ئه‌سیۆشێتد پرێس ده‌ڵێت ئاو ڕیگه‌ دوو سایدیه‌که‌ی ژێر ویستگه‌ی مۆچیت سکای تره‌ین ی بانکۆکی داپۆشیوه‌.

سه‌ره‌ک وه‌زیری تایلاند، له‌ ڕۆژی شه‌ممه‌دا دانیشتوانی بانکۆکی دڵنیا کرده‌وه که‌ لافاوه‌که‌ی پایته‌خت که‌م ده‌بێت و هه‌وه‌هاش کورتخایه‌ن ده‌بێت.

له‌ وتاره‌ ڕادیۆییه‌ هه‌فتانه‌ییه‌که‌یدا یانگلوک شیناواترا، سه‌ره‌ک وه‌زیری تایلاند گووتی دانانی به‌ربه‌ست و فه‌رده‌ لمی گه‌وره‌ ته‌واو بووه‌ و هه‌روه‌هاش سیسته‌می ڕێگه‌گرتن له‌ مانه‌وه‌ی ئاوی لافاوه‌که‌ نێوه‌نده‌ ئابووری و سیاسیه‌کانی پایته‌ختی تایلاندی به‌ وشکی هێشتۆته‌وه‌.

ئه‌م لافاوه‌ کاریگه‌ری کردۆته‌ سه‌ر زیاتر له‌ سێ ملیۆن خێزان له‌ سێ به‌شی وڵاته‌که‌دا و هه‌روه‌هاش زیانه‌ ماڵیه‌کان به‌ چه‌ندان ملیار دۆلار مه‌زه‌نده‌ کراوه‌.

تا ئێستا ئاو زیاتر له‌ 10 هه‌زار کارگه‌ی داپۆشیوه‌ و 660 هه‌زار که‌سیش کاریان له‌ده‌ستداوه‌.

XS
SM
MD
LG