Accessibility links

وەزارەتی دەرەوەی ئەمەریکا هێرشەکانی نێو بەغدا بە توندی مەحکوم دەکات


تەرمی هەندێک لە کوژراوانی دوو تەقینەوەکەی پێنچشەمە ٢١ی مانگی یەکی ٢٠٢١ی زاینی لە بەغدا

وەزارەتی دەرەوەی ئەمەریکا لە ڕاگەیەندنێکی رۆژنامەوانی دا هەڵویستی سەبارەت بە دوو تەقینەوە دەربڕی کە رۆژی پێنج شەمە لە بەغدا روویان دا.

دانیەل بی، سمێت کە بە شێوەی کاتی کارەکانی وەزیری دەرەوەی ئەمەریکا بەڕێوەدەبات، ڕۆژی پێنج شەمە لە ڕاگەیاندنێکدا کە لە سەر ماڵپەری فەرمی وەزارەتی دەرەوەی ئەمەریکادا بڵاوبۆتەوە دەڵێت:

"ئێمە بەتوندترین شێوە هێرشەکانی تێرۆریستی ئەمرۆ لە بەغدا دا مەحکوم دەکەین. دوو رووداوی تەقینەوە لانی کەم ٣٢ کەسیان کوشت و ژمارەیەکی زیاتریشیان بریندار کرد. ئەو تەقینەوانە کرداری کوشتنی بە کۆمەڵ و وەبیرهێنەرەوەیەکی گەلێک ناخۆشی تێروریزمە کە هەروا درێژەی هەیە و هەرەشە لە ژیانی عیراقییەکانی بێ تاوان دەکات. ئێمە سەرەخۆشی قووڵی خۆمان بۆ بنەمالەکانی قوربانیان دەنێرین و هیوادارین ئەوانەی بریندارن بە زوویی چاک ببنەوە."

XS
SM
MD
LG