Accessibility links

تاڵیبان: کۆتای هاتنی نوێترین خولی دانوستانەکانی نێوان ئەمەریکا و تاڵیبان


زەڵمای خەلیلزاد

تاڵیبان وتی هەشتەمین خولی دانوستانەکانی نێوان ئەمەریکا و تاڵیبان کۆتایی هات کە مەبەست لێیان کۆتای هێنانە بە جەنگی ئەفغانستان و گەیشتنە بە ڕێکەوتنێک کە تیایدا ئەمەریکا هێزەکانی لە ئەفغانستان بکشێنێتەوە و لەبەرامبەردا تاڵیبان بەڵێن بدات ئەفغانستان نەکاتە بنکەیەک بۆ پلاندانان بۆ هێرشەکانی.

لە کۆتای ساڵی ڕابردووەوە ئەم دانوستانانە لە قەتەڕ بەڕێوەدەچن لەنێوان بەرپرسانی تاڵیبان و ئەمەریکادا.

وتەبێژی تاڵیبان زەبیحوڵا موجاهید وتی بەیانی ڕۆژی دووشەممەنوێترین خولی دانوستانەکانی نێوان ئەمەریکا و تاڵیبان کۆتایی هاتووە، بەرپرسێکی ئەمەریکیش لە ماوەی ڕابردوودا وتی لە دانوستانەکاندا وردەکاری و چۆنێتی جێبەجێکردنی ڕێکەوتنەکە باس کراوە.

موجاهید لە بەیاننامەیەکدا وتی " دانوستانەکان ماوەیەکی زۆری خایاند و بەسوود بوو، هەردوولا بڕیاریانداوە لەگەڵ ڕابەرەکانیاندا قسە بکەن لەبارەی هەنگاوەکانی دواترەوە."

ڕۆژی یەکشەممە نوێنەری تایبەتی ئەمەریکا بۆ ئاشتی لە ئەفغانستان زەڵمای خەلیلزاد کە ڕابەرایەتی شاندەکەی ئەمەریکا دەکات لە دانوستانەکاندا وتی " هەوڵێکی زۆر دەدرێت بەرەو گەیشتن بە ڕێکەوتنێکی ئاشتی هەمیشەیی و ئەفغانستان دەبێتە دەوڵەتێکی خاوەن سەروەری و هەڕەشە نابێت بۆ سەر هیچ وڵاتێکی دیکە." ئەم ڕێکەوتنە ئامانجەکەی سەرۆکی ئەمەریکا دانۆڵد ترامپ بۆ کۆتایی هێنان بە جەنگی ئەفغانستان بەدی دەهێنێت.

سەرچاوە/ ڕۆیتەرز

XS
SM
MD
LG