Accessibility links

تاڵیبان دەڵێت فڕۆکە بێفڕۆکەوانەکانی ئەمەریکا نابێت چیتر بێنە ئەفغانستانەوە


تاڵیبان هۆشداریدا لەسەر فڕینی فڕۆکە بێفڕۆکەوانەکانی ئەمەریکا بەسەر ئاسمانی ئەفغانستاندا، وتی ئەگەر ئەو فڕۆکەوانە بەردەوام بن لە فڕین بەسەر ئاسمانی ئەفغانستاندا ئەوا دەرەنجامی نەرێنی لێدەکەوێتەوە.

تاڵیبان لە بەیاننامەیەکدا وتی " بەهۆی ئەرکەکانی فڕۆکە بێفڕۆکەوانەکانی ئەمەریکاوە لە ئەفغانستان، ئەمەریکا سەرجەم ماف و یاسا نێودەوڵەتیەکانی پێشێلکردووە، هەروەها ئەو بەڵێنانەشی پشتگوێخستووە کە لە دەوحە بە تاڵیبانیداوە."

وتی " داوا لە سەرجەم وڵاتان و بەتایبەتی ئەمەریکا دەکەین بەپێی یاسا و ماف و بەرپرسیارێتیە نێودەوڵەتیەکان مامەڵە لەگەڵ ئەفغانستاندا بکەن تاوەکو خۆیان بەدووربگرن لە هەر دەرەنجامێکی نەرێنی."

مانگی ڕابردوو تاڵیبان کۆنتڕۆڵی ئەفغانستانی کردەوە و دووبارە دەسەڵاتی لەو وڵاتەدا گرتەوە دەست، ڕابەرانی تاڵیبان ڕەتی دەکەنەوە ڕێکخراوەکانی داعش و ئەل قاعیدە لە ئەفغانستان چالاک بن، ئەمەش سەرەڕای ئەوەی داعش لەمدواییانەدا بەرپرسیارێتی تەقینەوەکانی جەلالئابادی ڕاگەیاند.

سەرچاوە/ ڕۆیتەرز

XS
SM
MD
LG