وەزیری ناوخۆی تاڵیبان لە بەیاننامەیەکدا وتی تاڵیبان ئەو خۆکوژانەی بەرز نرخاندووە کە دژی حکومەتی پێشووی ئەفغانستان و هێزەکانی ڕۆژئاوا شەڕییان کردووە و پێشنیاری پێدانی پارە و زەوی دەکات بۆ خێزانەکانیان.
وەزیری ناوخۆی حکومەتەکەی تاڵیبان لە ئەفغانستان، سیراجەدین حەقانی کە لەلایەن ڕۆژئاواوە بە " تیرۆریستێکی جیهانی " ناودێر کراوە، لە مەراسیمێکدا لە هۆتێلی ئینتەرکۆنتینێنتاڵ لە کابوڵ چاوی بە خێزانەکان کەوت. لە ساڵی 2018 دا ئەو هۆتێلە لەلایەن خۆکوژەکانەوە کرایە ئامانج.
وەزارەتی ناوخۆی تاڵیبان لە بەیاننامەیەکدا وتی " وەزیر لە وتارەکەیدا جیهاد و قوربانیەکانی شەهید و موجاهیدەکانی بەرز نرخاند و وەکو پاڵەوانی ئیسلام و وڵاتەکە ناودێری کردن."
وتەبێژی تاڵیبان قاری سەعید خۆستی وتی خێزانەکانی خۆکوژەکان جلوبەرگ و 10,000 لە پارەی ئەفغانی کە دەکاتە 111 دۆلارییان پێدراوە، هەروەها بەڵێنی زەویشیان پێدراوە.
سەرچاوە/ ڕۆیتەرز