تالیبانی ئەفغانستان پشتڕاسی کرد کە وتووێژەکانی ڕاستەوخۆ لە گەڵ ویلایەتەکانی یەکگرتووی ئەمەریکا لە حەوتووی ڕابردوودا لە قەتەر لە چوارچێوەی گەیشتن بە وتووێژ سەبارەت بە کۆتایی شەڕی ١٧ ساڵی ئەفغانستان ئەنجام دراوە.
کاربەدەستێکی باڵای تالیبان رۆژی هەینی بە دەنگی ئەمەریکای گوت کە خانمی ئالیس وڵز، جێگری بەڕیوەبەری گشتی وەزارەتی دەرەوەی ئەمەریکا بۆ کارەکانی ئاسیای باشور و ناوەندی، سەرپەرستی شاندای نوێنەرایەتی ئەمەریکا لە وتووێژ لە گەڵ تالیبان لە شاری دۆحەی قەتەر بووە.
ئەو کاربەدەستەی تالبیان گوتی کە وتووێژەکانی سەرەتایی تەنیا بۆ زەمینەسازی بۆ پەیوەندێکان و چاوپێکەوتنەکانی داهاتوو لە نێوان تالیبان و ئەمەریکا دا بوو.
ئەو گوتی: "ئەو گفت و گۆیانە لە کەش و هەوایەکی باش دا بەڕێوەچوون و باسەکان سازەندە بوون."
ڕاپۆرتەکانی چاوپێکەوتنی دوشەمەی پێشتر لە پێتەختی قەتەر لە رۆژنامەکانی ئەمەریکادا چاپ کران، بەڵام کاربەدەستانی ئەمەریکا تا ئێستا لە ئەو پەیوەندییەدا لێدوانیان نەداوە.
کاربەدەستێکی وەزارەتی دەرەوەی ئەمەریکا لە کاردانەوە بە ڕاپۆرتەکانی بڵاوکراوە لە پەێوەندی وتووێژەکانی قەتەر تەنیا گوتی کە ئەمەریکا بۆ بەرەو پێشبردنی ڕەوەندی ئاشتی لە نزیکەوە لە گەڵ ئەفغانستان هەموو ڕیگاکان هەڵدەسەنگێنێت.