وەزارەتی بەرگری تایوان وتی فڕۆکە جەنگیەکانی چین بۆ ماوەیەکی کورت هێڵی جیاکەرەوەیان لە تەنگەی تایوان بڕیوە بەڵام هێزی ئاسمانی تایوان توانیویەتی دووریان بخاتەوە.
وەزارەتی بەرگری تایوان لە زاری هێزی ئاسمانیەوە بڵاویکردەوە سیستمەکانی بەرگری موشەکی تایوان چاودێری فڕۆکە چینیەکانیان کردووە.
ئەم ڕووداوەش لەکاتێکدا دێت وەزیری تەندروستی ئەمەریکا ئالیكس ئازار سەردانی تایوانی کردوو و سەرکۆنەی چینی کرد، ئەمەش یەکەمین سەردانی بەرپرسێکی باڵای ئەمەریکا بوو بۆ تایوان.
چین تایوان بە بەشێک لە خاکەکەی دەزانێت و پێی وایە تایوان مافی ئەوەی نیە پەیوەندی سەربەخۆی لەگەڵ وڵاتانی دیکەدا هەبێت.
سەرچاوە/ ڕۆیتەرز