کاربەدەستانی ئەمەریکا و فەڕەنسا و بەریتانیا دەڵێن ئەو هێرشە ئاسمانی و موشەکیـیانەی بەرەبەیانی ڕۆژی شەممە کردیانە سەر سوریا ئەنجامی باشی هەبووە لە سنووردارکردنی تواناکانی ڕژێمی ئەسەد لە بەرکارهێنانی چەکی کیمیایی.
بەڵام کاوە حەسەن بەڕێوەبەری بەرنامەی ڕۆژهەڵاتی ناوەڕاست لە ئنستتیوتی ئیست وێست لە برۆکسل دەڵێت ئەگەر لە ڕوویەکی ستراتیژیـیەوە سەیری ئەو هێرشە بکرێت هیچ سەرکەوتنێکی تیادا بەدی ناکرێت وە هیچ گۆڕانکاریەک ناکات لە ڕێڕەوی قەیرانی سوریا و هەروەها کار ناکاتە سەر هاوسەنگی هێز لەسەر ئەرزی واقعدا.
