میدیاکانی حکومەتی سوریا دەڵێن 2 گولـلە خومپارە گیراونەتە ناو شاری لازقیـیە و لە ئاکامدا بە لایەنی کەم 22 کەس کوژراون و 62 کەسی دیکە برینداربوون.
تەلەفیزیۆنی فەرمی سوریا گوتی گولـلە خومپارەکان لە نزیک زانکۆی تشرین لە ڕۆژهەڵاتی شارەکە تەقیونەتەوە کە لەویادا ژمارەیەکی زۆری خوێندکار کۆبووبوونەوە.
جێی ئاماژەیە لازقیـیە زۆربەی دانیشـتوانەکەی عەلەوین و لە ماوەی چوار سـاڵ و نیوی شەڕی ناوخۆی سوریا بە بەراورد لەگەڵ ناوچەکانی دیکەی سوریا هەتا ڕادەیەک کەمتر دووچاری نائارامی و توندوتیژی بووە. هەروەها لە ناوچە گوندیـیەکانیشی تەنها لە جەبەل ئەلئەکراد و جەبەل ئەلتورکمان ئۆپـۆزسیۆن هەن.
بەر لەم ڕووداوە لە مانگی نۆ ئۆتۆمبیلێـکی بۆمبڕێژکراو لە مەیدانی حەمامی شارەکە تەقیـیەوە و بووە مایەی کوژرانی 10 کەس و برینداربوونی دەیان کەسی دیکە.
هاوکات تەلەفیزیۆنی حکومەتی سوریا گوتی گولـلە خومپارەیەکیش کەوتووە بە ناوچەیەکی دانیشتوان لە دیمەشقی پایتەخت و لەوێش کەسێـک کوژراوە و 5 کەسی دیکە برینداربوون.