Accessibility links

دانیشـتوانی ده‌رعای سوریا ده‌ڵێن حکومه‌ت هه‌وڵی گه‌مارۆدانیان ده‌دات


دانیشـتوانی ده‌رعای سوریا ده‌ڵێن حکومه‌ت هه‌وڵی گه‌مارۆدانیان ده‌دات
دانیشـتوانی ده‌رعای سوریا ده‌ڵێن حکومه‌ت هه‌وڵی گه‌مارۆدانیان ده‌دات

دانیشتوانی شاری ده‌رعا له‌ سوریا ده‌ڵێن هێزه‌ ئاسایشیه‌کان له‌ هه‌وڵی گه‌مارۆدانی ناوچه‌که‌یانن پاش چه‌ند ڕۆژێک له‌ خۆپیشاندانی دژه‌ حکومه‌ت که‌ بوونه‌ مایه‌ی پێکدادانی خوێناوی له‌ نێوان خه‌ڵک و هێزه‌ ئاسایشیه‌کانی سوریادا.

له‌و شه‌ڕانه‌دا پێنج که‌س کوژراون.

چالاکوانانی ئۆپزسیۆن ئه‌مڕۆش دووشه‌ممه‌ له‌ ده‌رعا‌ گردبوونه‌ته‌وه‌ بۆ مه‌ڕاسیمی به‌ خاک سپاردنی پیاویک که‌ ڕۆژی یه‌کشه‌ممه‌ کوژرا ، وه‌ک دانیشتوان ده‌ڵێن پۆلیس ته‌قه‌یان کردووه‌ و گازی فرمێسک ڕژێنیان به‌کار هێناوه‌ بۆ بڵاوه‌ پێکردنی خۆپیشانده‌ران. هه‌ندێک له‌ به‌شداربووانی مه‌ڕاسیمه‌که‌ دروشمیان دژی سه‌رکوتکردنه‌کان ده‌گوته‌وه‌.

ڕۆژی یه‌کشه‌ممه‌ هه‌زاران که‌س له‌ ده‌رعه‌ داوای ڕیفۆرمی سیاسی و کۆتایی هێنان به‌ گه‌نده‌ڵی و ئازادکردنی زیندانه‌ سیاسیه‌کان و هه‌روه‌هاش دادگایی کردنی کارمه‌ندانی ئاسایشیان ده‌کرد واته‌ ئه‌وانه‌ی ته‌قه‌یان له‌ خۆپیشانده‌ران کردووه‌.

هه‌ندێک له‌ خۆپیشانده‌ران باڵه‌خانه‌کانی حکومه‌تیان له‌ ده‌رعه‌ سوتاندووه‌.

چالاکوانانی مافه‌ سیڤیلیه‌کان ده‌ڵێن هێزه‌ ئاسایشیه‌کان ته‌قه‌یان کردووه‌ و چوار خۆپیشانده‌ریان کوشتووه‌ له‌ شاری ده‌رعه‌..

ڕێکخراوی چاودیری مافه‌کانی مرۆڤ ، بنکه‌ له‌ وڵاته‌ یه‌کگرتووه‌کانی ئه‌مریکا ، داوای له‌ حکومه‌ته‌که‌ی به‌شار ئه‌لئه‌سه‌د ، سه‌رۆکی سوریا کردووه‌ ، تا ته‌قه‌کردن ڕابگیرێت و هه‌روه‌هاش ڕاگرتنی وه‌ک ده‌لێت به‌کارهێنانی هێزی له‌ ڕاده‌به‌ده‌ر دژی خۆپیشانده‌ران.

XS
SM
MD
LG