Accessibility links

ئۆپـۆزسیۆنی ئیسلامی سوریا ناوچەی دیکە لە هێزەکانی حکومەت دەگرنەوە


کۆمەڵەی سوریا بۆ چاودێری مافەکانی مرۆڤ دەڵێت چەکدارانی ئۆپـۆزسیۆنی ئیسلامی سوریا پـێشڕەوی زیاتریان لە بەرامبەر هێزەکانی حکومەت کردووە لە پارێزگای حەما و ئەمڕۆ هەینی توانیویانە جارێـکی دیکە دەسـتبگرنەوە بەسەر گوندی عەتشان لە باکوری شاری حەما.

کۆمەڵەکە دەڵێت بزوتنەوەی ئەحرار ئەلشام و چەند گروپێـکی ئیسلامی بەیانی ئەمڕۆ لە پاش شەڕێـکی قورس و بۆردومانی فڕۆکەی ڕووسی لە بەرامبەریان، توانیویانە 16 سەرباز و چەکداری هێزەکانی حکومەت بکوژن و ئەو گوندە ڕزگاربکەن.

جێی ئاماژەیە عەتشان نزیکە لە شارۆچکەی مۆریک ئەوەی دوێنێ پـێـنجشەممە چەکدارانی لیوای جوند ئەلئەقسا و چەند گروپێـکی دیکەی ئیسلامی کۆنترۆڵیان کرد.

ئەو ناوچانە بە ستراتیژی دادەنرێن بەو پـێـیەی لە نزیک جادەی سەرەکی نێوان شاری حەما و حەلەبن.

XS
SM
MD
LG