Accessibility links

منداڵێـکی برینداری سوری جیهان غەمبار دەکات


وێنە و ڤیدیۆی منداڵێـکی سوری بریندار جیهانی بە دوای خۆیدا غەمبارکردووە و جارێـکی دیکە بە بیر کۆمەڵی نێودەوڵەتی دەهێنێتەوە کە خەڵکی سوریا لە ماوەی ئەم چەند ساڵە ڕابردوو دووچاری چ کارەساتێـک بوون.

ئوسامە ئەبو ئەلعز کە پـزیشـکێـکە لە حەلەب گوتی منداڵەکە ناوی عومران دەقنیشە و تەمەنی 5 ساڵە و شەوی چوارشەممە گەیەندراوەتە نەخۆشخانەی M10 و تیماری برینەکەی کراوە کە لە سەریدایە.

هەرچەندە منداڵەکە برینەکانی مەترسیدار نەبوون، بەڵام خۆڵ و تۆزی ئاکامی بۆردومانەکە هەموو جەستەی گرتبووەوە و لەگەڵ خوێنیدا تێکەڵ بووبوون. منداڵەکە لە پاش ئەو هەموو دەنگی فڕۆکە و بۆردومان و وێرانبوونی ماڵەکەیان بەسەریاندا یەک فرمێسـک بە چاوی نەدەهاتە خوارێ، بەڵکو سەیری خەڵکەکەی بەرامبەری دەکرد و خوێنەکەی سەر دەسـتی بە کورسی ئەمبوڵانسەکە دەسڕی.

محەمەد ڕسلان ئەبو شێخ کە وێنەگرێـکی ئازادە لە حەلەب و لە شوێنی ڕووداوەکە بووە، بە ئاژانسی دەنگ‌وباسی ڕۆیتەرزی گوت " بێ دەنگی منداڵەکە و سەرنجەکانی وەهای لێکردین ئێمە بگرین و ئەو سەیرمان بکات."

گوتیشی کارمەندانی فریاکەوتن توانیان لەگەڵ عومران هەموو شەش ئەندامەکەی دیکەی خێزانەکەی بە زیندوویی لە ژێر داروپەردووی ماڵەکەیان بهێننە دەرێ.

منداڵێـکی برینداری سوری جیهان غەمبار دەکات
please wait

No media source currently available

0:00 0:00:54 0:00

XS
SM
MD
LG