له‌ تاو بومه‌له‌رزه‌ به‌ هه‌زاران که‌س له‌ ئیسپانیا له‌ ده‌ره‌وه‌ی ماڵه‌کانیان شه‌و ده‌به‌نه‌ سه‌ر

به‌ هه‌زاران که‌س شه‌وی ڕابردوو له‌ شـاری لورکای باشوری ئیسپانیا له‌ ده‌ره‌وه‌ی ماڵه‌کانیان کاتیان به‌سه‌ر برد له‌به‌ر مه‌ترسی ڕوودانی زه‌وی له‌رزه‌ی پـله‌ نزم، ئه‌مه‌ش دوابه‌دوای ئه‌و دوو بومه‌له‌رزه‌ کوشنده‌یه‌ی ڕۆژی چوارشه‌ممه‌ی ڕابردوو.

به‌رپـرسـانی ئیسـپانی له‌ شـاری ناوداری گه‌شـتیاری مۆریسـیا ئه‌مڕۆ ڕایانگه‌یاند به‌ لای که‌م 8 که‌س بوونه‌ته‌ قوربانی ئاکامی زه‌وی له‌رزه‌که‌، ئه‌وه‌ی بووه‌ مایه‌ی داڕمانی خانوبه‌ره‌ی هاوڵاتیان و هه‌روه‌ها زیانی گه‌یاند به‌ کڵێسه‌یه‌کی مێژوویی.

ئه‌وه‌ی شـایانی باسه‌ له‌ سه‌ره‌تادا ئاماری کوژراوانی بومه‌له‌رزه‌که‌ به‌ 10 که‌س ڕاگه‌یاندرابوو، به‌ڵام هه‌نووکه‌ ده‌ڵێن ته‌نها 8 که‌س کوژراون.