Accessibility links

شۆڵز: دەبێت ئامادە بین بۆ پەرەسەندنی جەنگەکەی ئۆکرانیا


ڕاوێژکاری ئەڵمانیا ئۆلاف شۆڵز

ڕۆژی سێشەممە ڕاوێژکاری ئەڵمانیا ئۆلاف شۆڵز وتی ئەڵمانیا دەبێت ئامادە بێت بۆ پەرەسەندنی بارودۆخەکەی ناو ئۆکرانیا، بەڵام سەردانەکەی ئەمدواییەی بۆ چین گرنگ بوو بۆ ڕوون بوونەوەی هەڵوێستی دوو وڵاتەکە لەسەر دژایەتیکردنی بەکارهێنانی چەکی ئەتۆمی.

شۆڵز لە کۆنفرانسێکی ڕۆژنامەوانیدا لە بەرلین وتی " بەپێی گەشەسەندنی جەنگەکە و زیادبوونی شکستە بینراوەکانی ڕووسیا، دەبێت ئامادەبین بۆ پەرەسەندنی شەڕەکە."

وتیشی ئەمە دەکرێت وێرانکردنی ژێرخانیش بگرێتەوە.

لە ماوەی ڕابردوودا لەم مانگەدا، لە میانەی سەردانەکەیدا بۆ چین، شۆڵز و سەرۆکی چین شی جین پینگ سەرکۆنەی هەڕەشەکانیان کرد بۆ بەکارهێنانی چەکی ئەتۆمی لە ئۆکرانیا.

شۆڵز وتی ڕاگەیاندنی 100 ملیار یۆرۆ بۆ خەرجی بەرگریی ئەڵمانیا لە دوای داگیرکارییەکەی ڕووسیاوە لە ئۆکرانیا ئەنجامی ئەو وانەیە بوو کە فێری بووین بۆ بونیادنانی پشکی بەرگری سوپای ئەڵمانیا.

سەرچاوە/ ڕۆیتەرز

XS
SM
MD
LG