پـۆلیسی سعودیـیە ئەمڕۆ پـێنجشەممە شۆفێری ئۆتۆمبیلێکی لە ڕیازی پایتەخت دەستگیرکرد کە کەسێکی کردبوو بە ژێرەوە و پاشان دابەزیبوو و لێدابوو و جارێکی دیکە کردوویەتی بە ژێرەوە و کوشتوویەتی.
کامێرای چاودێری ڤیدیۆی ڕووداوەکەی گرتووە و ڕۆژی چوارشەممە لە تۆڕە کۆمەڵایەتیـیەکان بڵاوکرایەوە.
خالید ئەلکرێدیس گوتەبێژی پـۆلیسی ڕیاز ڕایگەیاند تۆمەتبارەکە دەستگیرکراوە و بە مەبەست قوربانیـیەکەی کردووە بە ژێرەوە لەسەر کێشەیەکی نێوانیان.