Accessibility links

سعودیە سیستمێکی بەرگری موشەکی بەبڕی 15 ملیار دۆلار لە ئەمەریکا دەکڕێت


وتەبێژی وەزارەتی دەرەوەی ئەمەریکا وتی سعودیە سیستمێکی بەرگری موشەکی کە کۆمپانیای لۆکهێد مارتن دروستی کردووە بە بڕی 15 ملیار دۆلار لە ئەمەریکا دەکڕێت، ئەمەش دوای هەوڵێکی زۆر لەلایەن حکومەتی ئەمەریکاوە تاوەکو ڕێکەوتنەکە واژۆ بکرێت.

جێی ئاماژەیە بەڕێوبەرایەتییەکەی سەرۆک ترامپ و کۆمپانیاکانی پیشەسازی چەکی ئەمەریکی لەم هەفتانەی دواییدا هەوڵیانداوە ئەو گرێبەستی چەکانە ڕزگار بکەن کە لەگەڵ سعودیەدا واژۆیان کردووە و بڕەکەی دەگاتە 110 ملیاری دۆلار، ئەمەش دوای ئەوەی ترسی ئەوە هەیە سەرکردایەتی سعودیە دەستی هەبووبێت لە کوشتنی خاشقچیدا.

وتەبێژی وەزارەتی دەرەوەی ئەمەریکا وتی لە مانگی دوانزەی ساڵی 2016 ەوە گرێبەستی سیستمی ثادی موشەکی لەژێر گفتوگۆکردندا بووە.

هەروەها وتیشی " گرێبەستەکە پشیوانییەکە بۆ ئاسایشی سعودیە و ناوچەی کەنداو لە ڕووبەڕووبوونەوەی هەڕەشەکانی ئێران و ئەو گروپە توندڕەوانەی کە ئێران کۆمەکییان دەکات."

سەرچاوە/ ڕۆیتەرز

XS
SM
MD
LG