سەرۆکی ڕوسیا ڤلادیمێر پوتن لە چاوپێکەوتنێکی تەلەفیزیۆنیدا لەگەڵ کەناڵی فۆکس نیوزی ئەمەریکیدا وتی بە سەرۆکی ئەمەریکا دانۆڵد ترامپی ڕاگەیاندووە کە ڕوسیا ئامادەیە پەیماننامەی سنووردانان بۆ چەکی ستراتیژی ناوەکیی " ستارت " درێژ بکاتەوە کە لە ساڵی 2021 دا ماوەکەی بەسەر دەچێت.
پوتن لەمیانەی چاوپێکەوتنەکەیدا لەگەڵ فۆکس نیوز وتی " ڕوسیا ئامادەیە ئەم پەیماننامەیە درێژ بکاتەوە بەڵام دەبێت سەرەتا لەسەر وردەکارییەکان ڕێکبکەوین، چونکە هەندێک چەکمان هەیە بۆ هاوبەشە ئەمەریکییەکانمان."
وتیشی " پێمان وایە ئەوان بەتەواوەتی پابەند نین بە پەیماننامەکەوە بەڵام شارەزایان ئەوە دیاری دەکەن."
پەیماننامەی ستارت کە لە ساڵی 2010 دا واژۆ کرا ماوەی 10 ساڵ بەردەوام دەبێت و دەتوانرێت درێژ بکرێتەوە بۆ پێنج ساڵی دیکە.
لە کاتێکدا سەرۆک ترامپ ڕەخنەی لە ڕێکەوتنەکە گرت و بە ڕێکەوتنێکی خراپ ناودێری کردووە، پشتیوانیکەران لەو ڕێکەوتنە دەڵێن ئەوە گرنگە بۆ دروستکردنی هۆکارێکی نوێی چاودێری، بە گۆڕینەوەی زانیارییەکانیشەوە کە دەتوانرێت هەردوولا لێکۆڵینەوە لە پابەندبوونی یەکتری بکەن بە ڕێکەوتنەکەوە.
سەرچاوە/ ڕۆیتەرز