وەزارەتی بەرگری ڕووسیا دەڵێت هێزەکانی ڕووسیا کۆگایەکی تەقەمەنییان لە شاری ئومانی نزیک ناوەڕاستی ئۆکرانیا لەناوبردووە کە تەقەمەنی سیستمی موشەکی هیمارسی ئەمەریکی و هاویتزەری ئێم 777 ی تێدا هەڵگیراوە.
ڕۆیتەرز دەڵێت نەیتوانیوە بەشێوەیەکی سەربەخۆ ئەو هەواڵەی وەزارەتی بەرگری ڕووسیا پشتڕاست بکاتەوە.
وەزارەتی بەرگری ڕووسیا گوتی لە هێرشەکەدا زیاتر لە 300 موشەکی لەناوبردووە.
کیێڤ پێشوازی لە گەیشتنی سیستمی موشەکی هیمارسی پێشکەوتوو و مەودا درێژی ئەمەریکی کردووە، هاوکات مۆسکۆ ڕۆژئاوای تۆمەتبار کردووە بەوەی لەڕێی پڕچەککردنی ئۆکرانیاوە ململانێکان درێژتر دەکەنەوە."
پێشتر وەزارەتی بەرگری ئەمەریکا بانگەشەکانی ڕووسیای لەسەر ئەوەی گوایە شەش سیستمی موشەکی هیمارسی ئەمەریکی لە ئۆکرانیا لەناوبردبێت ڕەت کردەوە.
سەرچاوە/ ڕۆیتەرز