Accessibility links

هێرشه‌کانی رووسیا له‌ باکوری رۆژئاوای سوریا حه‌وت مه‌ده‌نیان کوشت


له‌ ئه‌و هێرشانه‌دا هه‌شت که‌سیش برینداربوون و هه‌ندێکیان برینه‌کانیان قورسه‌ وه‌ک ڕامی عه‌بدولڕه‌حمان به‌رپرسی ڕێکخراوی مافی مرۆڤ بۆ چاودێری شه‌ڕ ده‌ڵیت.

هێرشه‌کانی له‌ لایه‌ن رووسیا له‌ یه‌کشه‌مه له‌ باکووری رۆژئاوای سوریا‌ حه‌وت مه‌ده‌نی کوشت که‌ سێ منداڵیش له‌ نێویان دان، وه‌ک ڕێکخراوێکی چاودێری شه‌ڕ گوتی.

ئه‌و هێرشانه‌ی ئاسمانی که‌ سێهه‌م شه‌پۆلی هێرشه‌کانی رووسیا له‌ ماوه‌ی هه‌شت رۆژان بۆ سه‌ر باکووری رۆژئاوای سوریایه‌، گوندی که‌فر روومای له‌ ناوچه‌ی ئیدلب کرده‌ ئامانج که‌ له‌ ده‌ستی جیهادییه‌کان دایه‌، وه‌ک ئه‌و ڕێکخراوه‌ گوتی.

هه‌ریمی ئیدلب، که‌ ده‌وری سێ ملیۆن خه‌ڵک که‌ گه‌لێکیان ئاواره‌ی شه‌ڕی هه‌شت ساڵه‌ی سوریان و په‌نایان بۆ هێناوه‌، له‌ ژێرده‌ستی تاقمێکی پێشووی سه‌ر به‌ ئه‌لقاعیده‌وه‌یه‌.

هێزه‌کانی حکومه‌تی سوریا له‌ مانگی 4ی زاینی ده‌ستیان به‌ هه‌ڵمه‌تێکی له‌شکری بۆ سه‌ر ئیدلب برد، ده‌وری 1،000 مه‌ده‌نیان کوشت و زیاتر له‌ 400،000 که‌سیان له‌ ماڵه‌کانی خۆیان په‌ڕێوه‌ و ئاواره‌ بوون.

ئاگربه‌ستێک له‌ وه‌تا دره‌نگانی مانگی ئاگۆسته‌وه‌ ڕاگه‌یه‌ندراوه‌، ئه‌گه‌رچی ڕێکخراوی چاودێری ده‌ڵێت له‌ ئه‌و کاته‌وه‌ به‌ هۆی بۆمبارانی هه‌وایی تاک و تووک ده‌یان که‌س کوژراون.

XS
SM
MD
LG