هێزە چەکدارەکانی ڕووسیا دەڵێت لەڕێی موشەکە وردەکانیانەوە 17 دامەزراوەی سەربازیی ئۆکرانیایان کردۆتە ئامانج و میحوەرێکی سەرکردایەتی و کۆگایەکیشیان لەناوبردووە کە بۆ هەڵگرتنی تۆپهاوێژ و موشەکەکان بەکارهێندراوە.
وەزارەتی بەرگری ڕووسیا وتی ڕۆژی شەممە هێزی ئاسمانی ڕووسیا زیاتر لە 200 سەربازی ئۆکرانییان کوشتووە و 23 ئوتومبێلی زریپۆشیشیان تێکشکاندووە.
بەڵام ئاماژەی بە هێرشەکەی سەر فڕۆکەخانەی ئۆدێسا نەدا کە فەرمانڕەوای ئەو شارە وتی لەلایەن موشەکەکانی ڕووسیاوە کراوەتە ئامانج و ڕێڕەوی هەستانی فڕۆکەکانی تێکداوە، سوپای ئۆکرانیاش وتی چیتر ناتوانرێت فڕۆکەخانەکە بەکاربهێندرێت.
سەرچاوە/ ڕۆیتەرز