Accessibility links

پـوتن بە نیازە خۆی بۆ هەڵبژاردنەکانی سەرۆکایەتی ساڵی 2018 کاندیدبکات

  • VOA News

سەرۆکی ڕووسیا دەڵێت بەنیازە خۆی بۆ هەڵبژاردنەکانی سەرۆکایەتی کاندیدبکاتەوە، ئەوەی بڕیارە لە مانگی سێی ساڵی داهاتوو بەڕێوەبچێت.

ڤلادیمیر پـوتن ئەمڕۆ چوارشەممە لە میانەی سەردانی بۆ کارگەیەکی وڵاتەکەی ئەمەی ڕاگەیاند و گوتی "ڕووسیا بەردەوام دەبێت لە هەنگاونان بەرەو پـێشەوە و لەم هەنگاوانە هەرگیز کەس ڕایناگرێت."

ئەگەربێت و پـوتنی تەمەن 65 ساڵ بە سەرۆک هەڵببژێردرێتەوە، ئەوا بۆ خولی چوارەم دەبێتەوە سەرۆک و هەتا ساڵی 2024 دەتوانێت بەردەوام ببێت.

پـوتن ماوەی 18 ساڵە حوکمڕانی ئەو وڵاتە دەکات و پـێشتریش لە سەردەمی سۆڤێت ئەفسەرێکی دەزگای زانیاری ڕووسیا بوو ئەوەی بە KGB ناسراوە و پاش هەڵوەشاندنەوەی سۆڤێت لە ساڵی 1998 بوو بە سەرۆکی ئەو دەزگایە کە ناوی گۆڕدرا بۆ دەزگای ئاسایشی فیدراڵی FSB.

XS
SM
MD
LG