سەرۆکی ڕووسیا ڤلادیمیر پوتن دەڵێت سوپای ڕووسیا دەبێت بۆردومانکردنی هەرێمەکانی ڕووسیا لە ناوچە ئۆکرانییەکانەوە ڕابگرێت، وتی بۆردومانەکان لەو ناوچانەدا بوونەتە هۆی ئەوەی زۆرێک لە خەڵکەکە کارەبا و ماڵ و حاڵییان نەمێنێت.
پوتن لە کۆبوونەوەیەکی حکومەتی ڕووسیادا ئەم لێدوانەیدا کە مەبەست لە کۆبوونەوەکە گفتوگۆکردن بوو لەسەر نۆژەنکردنەوەی خانووبەرە و ژێرخانە لە ناوچووەکانی هەرێمەکانی باشووری ڕۆژئاوای ڕووسیا کە سنوورییان بە ئۆکرانیاوە هەیە.
وتی " بێگومان ئەرکی سەرەکی لە ناوبردنی ئەگەری بۆردومانکردنەکانە. بەڵام ئەمە کاری بەشی سەربازییە."
ئۆکرانیا بەرپرسیارێتی هێرشە ئاسمانییەکانی ناو خاکی ڕووسیا ڕاناگەیەنێت بەڵام وەکو " کارما " ناویبردوون بۆ داگیرکارییەکەی ڕووسیا، کە بووەتە هۆی خاپوورکردنی زۆرێک لە شارەکانی ئۆکرانیا و بە شێوەیەکی ڕێکخراو ژێرخانی وزەی وڵاتەکەی کردۆتە ئامانج، زۆرێک لە هاوڵاتیانیش لە وەرزی سەختی زستاندا بەبێ ئاو و کارەبا ماونەتەوە.
پوتن باسی لە هەرێمەکانی ڕووسیای وەکو بێلگۆرۆد و بریانسک و کورسک کرد، بە کرایمیاشەوە کە لە ساڵی 2014 دا لەژێر دەسەڵاتی ئۆکرانیادا دەریهێنا و لکاندی بە ڕووسیاوە، لەو هەرێمانەدا خانووبەرەکان زیانییان بەرکەوتووە یاخود لە ناوچوون.
وتی " خەڵکەکە ڕووبەڕووی " کێشەی زۆر توند بوونەتەوە." پێویستیان بە نۆژەنکردنەوە و قەرەبووکردنەوە هەیە.
وتی " زۆرێک لە خەڵکەکە کەوتوونەتە دۆخێکی سەختەوە، ماڵەکانیان لە دەستداوە و ناچار بوون بگوازنەوە بۆ ماڵی خزمانیان یاخود شوێنی کاتی بۆ مانەوەیان، ڕووبەڕووی پچڕانی دابینکردنی ئاو و گەرمی و کارەبا بوونەتەوە."
سەرچاوە/ ڕۆیتەرز