ئهمڕۆ شهممه به دهیان ههزار کهس ڕژانه سهر شهقامهکانی مۆسـکۆی پایتهختی ڕووسیا بۆ دهربڕینی ناڕهزایی بهرامبهر ئهنجامهکانی ههڵبژاردنه پهرلهمانیـیهکه، دهڵێن فرتوفێڵ له پـرۆسهی دهنگدانهکهدا کراوه.
ڕێـکخهرانی خۆپـیشـاندانهکه دهڵێن سهرهڕای ئهوهی پـلهی گهرما له ژێر سفری سهدیـیهوهیه، بهڵام زیاتر له 100 ههزار کهس بهشـداریـیان له خۆپـیشـاندانهکهدا کردووه و له شهقامی شاخارۆڤ گردبوونهتهوه. پـۆلیس لای خۆیهوه مهزنده دهکات نزیکهی 28 ههزار کهس بن.
دوو ههفته لهمهوبهر به دهیان ههزار کهس له مۆسـکۆ و شـارهکانی دیکهی ڕووسیا بهشـداریان له خۆپـیشـاندانی ناڕهزایی هاوشێوهی ئهمه کرد، ئهوهش پاش چهند ڕۆژێـک لهوهی پارتی یهکگرتووی ڕووسیای سهرۆک وهزیری ڤلادیمیر پـوتن به براوه له ههڵبژاردنهکانی 4 ی مانگی دوازده ڕاگهیهندار.
خۆپـشـاندهران داوا دهکهن ههڵبژاردنی پاک و بێ فرتوفێڵ له وڵاتهکهدا ئهنجامبدرێن و کۆتایی به 12 سـاڵ له حوکمڕانی ڤلادیمیر پـوتن بهێنرێت.
ههرچهنده بهپـێی ئهنجامهکان ڕێژهی ئهندامانی پارتی پـوتن له خانهی خوارووی پهرلهمان (دوما) زۆر کهمبووهتهوه که له 315 ئهندامهوه بووه 238 ، بهڵام هێشتا ئۆپـۆزسیۆن و چاودێران دهڵێن دهنگهکانی ئهو پارته زیادکراوه. ڕێبهرانی پارتی دهسهڵاتدار نکوڵی دهکهن لهوهی فرتوفێڵیان کردبێت.
بهر لهم خۆپـیشـاندانهی ئهمڕۆ شهممه، لیژنهیهکی ڕاوێژکاری کرملن بۆ مافهکان ڕاپـۆرتێـکی دا و تیایدا دهڵێت چهند پـێشێلکاریـیهک له دهنگدانهکهدا کراون و ئهوهش متمانه به پهرلهمانی نوێ ناهێڵێت.
ههروهها لیژنهکه داوای له سهرۆکی کۆمسیۆنی ههڵبژاردنهکانی ڕووسیا کردووه دهست لهکاربکێشێتهوه.