Accessibility links

وەزیری بەرگری ڕووسیا دەڵێت هەندێک لە مەشقە سەربازییەکان کۆتاییان پێهاتووە


Russia Military Drills

وەزیری بەرگری ڕووسیا سێرگەی شوەیگۆ بە سەرۆکی ڕووسیا ڤلادیمێر پوتنی وت هەندێک لە مەشقە سەربازییەکانی وڵاتەکە کۆتاییان پێهاتووە و هەندێکی دیکەشیان نزیک بوونەتەوە لە تەواوبوون.

جێی ئاماژەیە ڕووسیا زیاتر لە 100,000 سەربازی لەنزیک سنوورەکانی ئۆکرانیا جێگیرکردووە، هەروەها مەشقێکی سەربازیی گەورەی لەگەڵ بێلاڕووسی هاوپەیمانیدا ئەنجام دەدات و کەشتی و فڕۆکەی جەنگی ڕەوانەی دەریای ڕەش کردووە.

وڵاتانی ڕۆژئاوا هۆشدارییانداوە لەسەر زیادبوونی ئەگەری هێرشی ڕووسیا بۆ سەر ئۆکرانیا، هەروەها دەشڵێن ئەگەر ئەو هێرشە ئەنجام بدرێت ئەوا ڕووسیا ڕووبەڕووی سزایەکی ئابووری توند و خێرا و یەکلاکەرەوە دەبێتەوە. بەڵام مۆسکۆ هەمیشە ڕەتی کردۆتەوە پلانی داگیرکردنی ئۆکرانیای هەبێت.

سەرچاوە/ ڕۆیتەرز

XS
SM
MD
LG