وەزارەتی بەرگری ڕووسیا وتی موشەکە وردەکانی شەش دامەزراوەیان کردۆتە ئامانج کە کارپێکەری ئەو هێڵە ئاسنینانە بوون کە بۆ ڕەوانەکردنی چەکە بیانییەکان بۆ هێزەکانی ئۆکرانیا لە دۆنباس بەکارهاتوون.
ڕۆژی دووشەممە سەرکردەیەکی سوپای ئۆکرانیا وتی ڕووسیا هەوڵیداوە بۆردومانی ژێرخانی هێڵی ئاسنینی ئۆکرانیا بکات تاوەکو بەربەست بخاتە بەردەم ڕەوانەکردنی چەکە بیانییەکان بۆ هێزەکانی ئۆکرانیا.
وەزارەتی بەرگری ڕووسیا لە بەیاننامەیەکدا وتی هێزەکانی ڕووسیا کۆگایەکی چەکیشیان لە نزیک سلڤیانسکی هەرێمی دۆنێتسک لەناوبردووە، هاوکات بۆردومانی کۆمەڵێک شوێنی دیکەیان کردووە.
سەرچاوە/ ڕۆیتەرز
ڕووسیا ئەو هێڵە ئاسنینانە دەکاتە ئامانج کە چەکییان لێوە ڕەوانە دەکرێت بۆ هێزەکانی ئۆکرانیا لە دۆنباس
